У пецярых студэнтаў БДУ — станоўчы тэст на каронавірус

На сённяшні дзень у Беларусі COVID-19 выяўлены ў 27 чалавек. З іх першыя тры пацыента ўжо выпісаныя з бальніцы.

Пецярым студэнтам БДУ, у якіх папярэдні тэст даў станоўчы вынік на COVID-19, праводзіцца ўдакладняючая дыягностыка. Пра гэта паведамілі ў прэс-службе Мінздароўя.
— Стан ўсіх астатніх пацыентаў, у якіх быў дыягнаставаны COVID-19, здавальняючы. Тэмпература нармальная, праводзіцца лабараторны кантроль і мерапрыемствы медыцынскага назірання. Адзін з пацыентаў знаходзіцца ў стане сярэдняй ступені цяжкасці, — паведамілі ў ведамстве.
У Міністэрстве аховы здароўя таксама распавялі пра сітуацыю ў БДУ. Пасля правядзення першаснага тэставання ў пяці студэнтаў папярэдні тэст даў станоўчы вынік на COVID-19.
Студэнтаў БДУ правяралі, таму што яны маглі кантактаваць з сынам мужчыны, які цяпер знаходзіцца ў шпіталі з каронавірусам. Ён схаваў інфармацыю пра наведванне Паўночнай Італіі, своечасова не выклікаў хуткую дапамогу, паспеў пагутарыць з некаторай колькасцю людзей.
— Эпідэміялагічнае расследаванне кожнага выпадку паказала поўную адсутнасць насцярожанасці ў грамадзян, якія вяртаюцца з камандзіровак і турпаездак. Нагадаем, што шпіталізацыя студэнтаў і выкладчыкаў, а таксама санітарная апрацоўка памяшканняў універсітэта звязана з тым, што ў сям'і аднаго са студэнтаў выяўлены COVID-19. На жаль, чалавек адмовіўся ад тэставання на ўездзе ў Беларусь і ў выніку стаў крыніцай наступнага распаўсюджвання каронавіруса сярод студэнтаў. Сітуацыя ўскладнілася тым, што частка «кантактаў першага ўзроўню» пражываюць у інтэрнатах, — растлумачылі ў Міністэрстве аховы здароўя.
У бальніцы накіраваныя 240 студэнтаў і выкладчыкаў, якія маглі б мець кантакт з «станоўчым» студэнтам. Калі тэсты пакажуць адмоўны вынік на каронавірус і будзе магчымасць пражываць ізалявана, то вялікую частку студэнтаў адпусцяць дамоў.
Мінздароўя яшчэ раз просіць грамадзян спакойна і, галоўнае, з разуменнем паставіцца да сітуацыі. Спробы самавольна пакінуць ўстановы аховы здароўя, утойванне інфармацыі аб паездках у эпідэмічна неспрыяльныя рэгіёны прывядуць да непажаданых наступстваў. У ведамстве заклікаюць выразна выконваць рэкамендацыі, а не сеяць чуткі і здагадкі.
tut.by