У гродзенскім аэрапорце прайшоў этап чэмпіяната Беларусі па дрыфтынгу (фота)
Другі этап чэмпіяната Беларусі па дрыфтынгу праходзіў 22 чэрвеня ў Абухава пад Гродна.
Гродзенскі майстар стырна Дзмітрый Нагула заняў толькі чацвёртае месца, хаця і ўсталяваў рэкорд хуткасці на трасе — 154 км/г. Першае месца дасталася госцю з Расіі Мікіце Шыкаву, які зараз выступае за беларускую каманду Bielita Racing Team.
У спаборніцтве прымалі ўдзел кіроўцы з Беларусі, Літвы і Расіі — агулам 21 чалавек, у тым ліку два гарадзенцы. Адзін з іх — Аляксей Вішнеўскі — усё ж увайшоў у тройку лепшых, заняўшы трэцяе месца.