У Мінску з'явяцца начныя аўтобусы
Праезд у такім аўтобусе будзе каштаваць каля 20 тысяч.
Сталічныя ўлады разглядаць магчымасць запуску некалькіх начных маршрутаў грамадскага транспарту.
"Мы плануем аб'явіць конкурс на распрацоўку двух-трох начных маршрутаў, якія злучаць жылыя раёны з вакзалам і будуць працаваць з 00.00 да 6.00. За праезд у такіх аўтобусах трэба будзе заплаціць каля 20 тысяч рублёў. Кошты могуць трохі вар'іравацца ў залежнасці ад працягласці маршруту. Апытанні мінчан паказалі, што яны гатовыя плаціць такую суму, паколькі яна нашмат менш кошту праезду ў таксі ", — паведаміў дырэктар дзяржаўнай установы "Сталічны транспарт і сувязь" Валерый Шкуратаў.
Ён таксама адзначыў, што гораду будзе прапанавана закупіць некалькі тралейбусаў, абсталяваных дызель-генератарнай устаноўкай, якая дазваляе транспарту ездзіць без кантактнай сеткі.
"У Мінску ёсць тралейбусныя маршруты, якія патрабуюць падаўжэння. Напрыклад, маршруты тралейбусаў, якія ідуць у мікрараён Кунцаўшчына, неабходна падоўжыць да Каменнай Горкі. Будаўніцтва ж кантактнай сеткі і падстанцый з'яўляецца больш затратным мерапрыемствам, чым набыццё бескантактавых тралейбусаў", — растлумачыў дырэктар установы.
Запуск у сталіцы начных маршрутаў і набыццё бескантактавых тралейбусаў прадугледжаныя планам дзеянняў Мінгарвыканкама па павышэнню якасці працы гарадскога пасажырскага транспарту на 2015–2020 гады, які неўзабаве будзе вынесены на абмеркаванне.