Вы верыце ў цуды? Не? А мы цяпер верым!

А вы верыце ў цуды? Не? Не вельмі? А дарма. Мы таксама не верылі. Хоць і спадзяваліся, але не вельмі верылі. Тым не менш, у нас такі цуд адбыўся. Так, мы самі пра яго прасілі ў нашых зваротах. І вось ён — здарыўся.

Абвяшчаючы збор на падтрымку «Новага Часу», мы разлічвалі спыніць яго праз два тыдні, недзе 15 снежня. Але адбылося тое, што некаторыя ахвярадаўцы і іншыя добрыя людзі звязваліся з намі персанальна і прапаноўвалі пералічыць сродкі нам наўпрост. Альбо замаўлялі нам рэкламу, што таксама ёсць падтрымкай выдання. Гэта дазволіла калі не зняць частку надзвычай балючых пытанняў, то, зменшага, сцішыць іх, і працягнуць нашую акцыю далей.

Мы дзякуем тым, хто адгукнуўся, тым, хто звяртаўся да нас. І мы кажам «дзякуй» нават не за сродкі (хаця і за іх таксама), а за тыя словы, якія вы нам казалі: пра важнасць і патрэбнасць нашай працы, пра неабходнасць захавання беларушчыны, пра каштоўнасць беларускіх грамадска-палітычных СМІ. Гэта дадае нам імпэту і натхнення працаваць далей.

Потым мы разлічвалі, што спынім збор 25 снежня, акурат на каталіцкае Раство. Гэты дзень сімвалічна павінен быў стаць апошнім днём збору.

Але і тут здарыўся цуд аналагічнага фармату. У выніку мы маем магчымасць працягнуць наш збор да праваслаўнага Раства як мінімум. І мы цяпер крыху верым у цуды.

Канешне, гэта не азначае, што ў нас знятыя ўсе пытанні.

Наш збор на BYSOL працягваецца. І вы маеце магчымасць пакласці навагодні падарунак пад нашую ялінку. 

Не адкладайце добрую справу на «потым». Жыццё імклівае, гэтае «потым» можа і не здарыцца. Таму рабіце дабро зараз, цяпер і сёння!

Памятайце, што гэта вы «здараеце» цуды. Падтрымайце «Новы Час» у гэтыя калядныя дні! І мы вельмі ўдзячныя вам за магчымасць працягваць нашу справу!

• Дабрачынны збор BYSOL

Данат крыптавалютай:

• BTC: bc1qxppppqz8rk7eq6ffuen6j6mzcd2yelhc9fu2rw
• ETH: 0x14CB0D2b53235E5BF992EF115C9270a22461af91