Заснавальнік Signal: Telegram горшы выбар з пункту гледжання бяспекі. І вось чаму

Заснавальнік Signal, СЕА WhatsApp Моксі Марлінспайк у абмеркаваннях у Twitter здзівіўся, што Telegram усё яшчэ называюць зашыфраваным месанджарам. На яго думку, платформа нават менш надзейная, чым Facebook Messenger, піша dev.by.

Моксі напісаў, што месенджар мае «шмат цікавых функцый, але з пункту гледжання прыватнасці і збору даных няма горшага выбару».

Паводле яго слоў, платформа захоўвае кантакты, групы, мультымедыйныя даныя карыстальнікаў і кожнае паведамленне, якое яны калі-небудзь адпраўлялі або атрымлівалі, у выглядзе неабароненай інфармацыі на сваіх серверах.

«Амаль усё, што вы бачыце ў дадатку, бачыць і Telegram», — напісаў СЕА WhatsApp.

Марлінспайк папрасіў карыстальнікаў правесці «просты тэст», каб праверыць яго тэорыю — выдаліць Telegram, усталяваць яго на новы тэлефон і зарэгістраваць свой нумар.

«Вы адразу ўбачыце ўсю сваю гісторыю гутарак, усе свае кантакты, усе медыя, якімі вы дзяліліся, усе вашы групы. Як? Усё гэта было на іх серверах у выглядзе незашыфраванага тэксту», — сказаў ён.

Некаторыя людзі могуць не лічыць важным, што сэрвіс мае доступ да ўсіх іх даных, паведамленняў, фатаздымкаў, кантактаў, групаў і г.д., таму што яны «давяраюць Telegram», але сутнасць зашыфраваных месенджараў у тым, што вы не павінны давяраць нікому, акрамя чалавека, з якім маеце зносіны, упэўнены Марлінспайк.

«Сапраўдная тэхналогія прыватнасці — гэта не пра тое, каб давяраць камусьці свае даныя. Гаворка ідзе аб тым, каб гэтага не рабіць. Адпраўленае вамі паведамленне павінна быць відаць толькі вам і яго атрымальніку. Звесткі аб групе павінны быць бачныя толькі яе ўдзельнікам. Вашы кантакты не павінны быць вядомыя нікому», — лічыць СЕО WhatsApp.

Марлінспайка падтрымаў гендырэктар WhatsApp Уіл Кэткарт — рэтвітнуў пост з яго развагамі.