Дэпутаты прынялі бюджэт у першым чытанні

Беларускія парламентарыі ў чацвер прынялі ў першым чытанні законапраект аб рэспубліканскім бюджэце на 2016 год. 



Даходы па праекце рэспубліканскага бюджэту складуць 180,6 трлн. рублёў, выдаткі — 163,42 трыльёна рублёў. Такім чынам, прафіцыт бюджэту складзе 17,172 трыльёна рублёў. Раней кіраўнік Мінфіна адзначаў, што праект рэспубліканскага бюджэту зацверджаны з прафіцытам у 2% да ВУП, паведамляе карэспандэнт Sputnik з Авальнай залы палаты прадстаўнікоў нацыянальнага сходу Беларусі.

У чацвер у размове з журналістамі міністр адзначыў, што бюджэт сфарміраваны з разліку 50 долараў за барэль нафты, гэты параметр быў прыняты за аснову таму, што і бюджэт РФ звярстаны зыходзячы з такога кошту на нафту.

«Мы бралі прагноз, які прыняты ў Расіі — там 50 долараў за барэль. Зараз яны не выключаюць, што можа быць праведзена карэкціроўка зыходзячы з разліку ў 40 долараў за барэль. Калі спатрэбіцца, мы таксама ўнясем папраўкі», — сказаў Амарын.

Міністр адзначыў, што для збалансаванасці рэспубліканскага бюджэту, з улікам высокіх абавязацельстваў па знешняму дзярждоўгу, неабходна прыцягнуць яшчэ паўтара мільярда долараў. «Мы разлічваем прыцягнуць гэтыя сродкі ў выглядзе крэдыту ЕСФР, па новай праграме МВФ, а таксама працуем над прыцягненнем запазычанняў на сусветным фінансавым рынку», — растлумачыў міністр. Ён падкрэсліў, што ўсе дамоўленасці, якія ён назваў, знаходзяцца ў высокай ступені гатоўнасці.

Амарын таксама падкрэсліў, што бюджэт на 2016 год захавае сваю сацыяльную накіраванасць. У бюджэце Беларусі на 2016 год захоўваецца прыярытэт выдаткаў на адукацыю, ахову здароўя і бяспеку дзяржавы. Інфляцыя, закладзеная ў бюджэт, плануецца на ўзроўні 12%.

А ў далейшым Беларусь пяройдзе на трохгадовае планаванне бюджэту. Адпаведныя змены прадугледжаны праектам закона «Аб унясенні зменаў і дадаткаў у Бюджэтны кодэкс Беларусі», які дэпутаты Палаты прадстаўнікоў прынялі у першым чытанні.