Дзярждэп заявіў пра "тысячы і тысячы" ваенных Расіі на тэрыторыі Украіны
Памочнік дзяржсакратара ЗША па справах Еўропы і Еўразіі Вікторыя Нуланд заявіла аб прысутнасці тысяч расійскіх вайскоўцаў на тэрыторыі Украіны.
"Я б сказала, што гаворка ідзе пра тысячы і тысячы", — заявіла яна ў кангрэсе ЗША, адказваючы на пытанне пра колькасць расійскіх вайскоўцаў.
"Са снежня Расія перадала сотні адзінак ваеннага абсталявання, уключаючы танкі, браняваныя аўтамабілі, цяжкую артылерыю", — дадала Нуланд, піша Росбалт.
Нагадаем, раней Нуланд таксама заявіла, што ЗША вельмі ўважліва сочаць за тым, ці выконваюцца мінскія дамоўленасці ад 12 лютага.