Расія можа падтасоўваць вынікі лабараторных даследаванняў беларускай «малочкі»

Пра тое, што Расія можа падтасоўваць вынікі лабараторных даследаванняў беларускай «малочкі», заявіў беларускі міністр сельскай гаспадаркі.



Пра магчымыя фальсіфікацыі Расіі ў эфіры тэлеканалу ОНТ заявіў міністр сельскай гаспадаркі Беларусі Леанід Заяц.

«Ідзе неабгрунтаванае абвінавачванне з боку спецыялістаў Рассельгаснагляду, гэта праяўляецца на прыкладзе малочных прадпрыемстваў, прадпрыемстваў птушкагадоўлі. Я б нават сказаў, што можа і падтасоўваюцца вынікі лабараторных даследаванняў», — сказаў Заяц.

Паводле кіраўніка ведамства, беларускія чыноўнікі павінны больш актыўна абараняць інтарэсы Беларусі.

9 чэрвеня Мінск і Масква дамовіліся зняць узаемныя абмежаванні па пастаўках малочнай прадукцыі. Рассельгаснагляд і дэпартамент ветэрынарнага і харчовага нагляду Беларусі падпісалі адпаведную «дарожную мапу» па працэдуры зняцця абмежаванняў.

Часовыя абмежаванні на пастаўку некаторых відаў малака і малочнай прадукцыі з Беларусі Рассельгаснагляд увёў з 6 чэрвеня

belsat.eu