Рассельгаснагляд увёў новыя патрабаванні да беларускай прадукцыі

Рассельгаснагляд увёў дадатковыя патрабаванні пры ўвозе прадукцыі з Беларусі, якая нясе рызыку распаўсюджвання афрыканскай чумы свіней. Пра гэта паведамляе Інтэрфакс.

Беларуская прадукцыя, якая ўвозіцца на тэрыторыю Расіі, павінна суправаджацца дазволам на ўвоз.
Са студзеня 2015 года Беларусь пачала патрабаваць дазвол на ўвоз у сувязі з распаўсюджваннем у Расіі яшчуру, грыпу птушак і афрыканскай чумы свіней. У шырокі пералік патрапілі тавары, якія ў нязначнай колькасці ўтрымліваюць прадукты перапрацоўкі свініны.
Па словах прадстаўніка Рассельгаснагляду, навуковага абгрунтавання для гэтага няма. Пад спецдазволам апынуліся корму для жывёл, расфасаваны для рознічнага продажу, арганічныя хімічныя злучэнні для ветэрынарыі і фармацэўтычная прадукцыя для ветэрынарыі. Ён адзначыў, што гэтыя тавары не могуць пагражаць распаўсюджваннем АЧС.
У адказ на гэта Рассельгаснагляд прыняў адпаведныя меры. Пад спецдазвол трапілі не толькі жывыя свінні, але і прадукцыя са свініны, фуражнае збожжа (пшаніца, жыта, ячмень, авёс, кукуруза, соевыя бабы), каўбасы, плаўленыя сыры і харчовыя прадукты, якія змяшчаюць каўбасу, мяса, мясныя субпрадукты, кроў або любую камбінацыю гэтых прадуктаў.
Новая схема ўвозу будзе распаўсюджвацца на жмых, неапрацаваныя скуры жывёл, вырабы з кішак, абсталяванне і прыстасаванні для догляду або перавозкі як саміх жывёл, так і прадукцыі з іх.
Паводле freesmi.by