За акцыю салідарнасці з Надзеяй Саўчанка — штраф 20 базавых

Адмінстрацыйная справа Дзмітрыя Паліенкі разглядалася сёння ў судзе Цэнтральнага раёна Мінска. 

Актывіста абвінавацілі ва ўдзеле ў акцыі салідарнасці з украінскай лётчыцай Надзеяй Саўчанка, якая адбылася 2 красавіка каля расійскай амбасады ў Мінску. Сам Паліенка на суд не з’явіўся.
Сведка Крэер Вячаслаў заявіў, што для доказу ўдзелу Паліенкі ў акцыі была скарыстаная спецыяльная праграма для вызначэння асобы па фотаздымках.
Суддзя Міхаіл Хома вынес пастанову пакараць актывіста Дзмітрыя Паліенку штрафам у памеры 20 базавых велічынь.
spring96.org