У Кракаве ўскрылі саркафаг Вялікага князя літоўскага Стэфана Баторыя

Алавяны саркафаг вялікага князя літоўскага Стэфана Баторыя павязуць у майстэрню ў Сілезію. Пасля кансервацыі вернуць на месца ў снежні.



Фота Марэк Ружыцкі Radio Kraków
Сведкамі адкрыцця саркафагу былі кардынал Станіслаў Дзівіш, а таксама консул Вугоршчыны ў Кракаве доктар Адрыяна Кюрменды. Адкрыццё адбылося ў межах кансервацыі, якую праводзіць катэдральная парафія.
Алавяны саркафаг мусіць вярнуцца ў замкавы комплекс Вавэль, што ў Кракаве, у снежні. Пасля плануецца комплексная мадэрнізацыя склепа Стэфана Баторыя.
Стэфан Баторый быў вялікім князем літоўскім на працягу дзесяці гадоў: з 1576 па 1586 гг. Таксама быў польскім каралём. Пры Баторыі кожны трэці сойм Рэчы Паспалітай адбываўся ў Горадні.
belsat.eu