Баявікі «Ісламскай дзяржавы» ўзялі пад кантроль палову Сірыі

Пасля таго, як баевікі тэрарыстычнай групоўкі авалодалі антычным горадам Пальміра, пад іх кантроль перайшло больш за палову тэрыторыі Сірыі. Пра гэта ў чацвер, 21 мая, заявілі прадстаўнікі Сірыйскага назіральнага савета па правах чалавека (SOHR), размешчанага ў Лондане.



Бой за Пальміру
Па словах праваабаронцаў, у захопленай Пальміры імкліва пагаршаецца гуманітарная сітуацыя. Перапынена электра-і водазабеспячэнне, не аказваецца медыцынская дапамога. Як адзначае агенцтва dpa, у горадзе застаюцца дзесяткі тысяч чалавек, у тым ліку ўцекачы з тэрыторый, раней захопленых джыхадзістамі.
Асаблівую заклапочанасць выклікае сітуацыя з антычнымі руінамі, якія знаходзяцца ў Пальміры, уключанымі ў спіс аб'ектаў Арганізацыі аб'яднаных нацый па пытаннях адукацыі навукі і культуры.
Па дадзеных сірыйскага ведамства па наглядзе за аб'ектамі гістарычнай і культурнай спадчыны, на якое спасылаецца агенцтва Reuters, сотні статуй былі вывезены з Пальміры да яе захопу джыхадзістамі.
Пакуль, як заявіў агенцтву AP кіраўнік SOHR Рамі Абдэль Рахман, баявікі «Ісламскай дзяржавы» не пачалі знішчаць руіны, як яны паступілі раней са старажытнымі гарадамі Німруд і Хатра на тэрыторыі Ірака.
Deutsche Welle