Дастаўка з AliExpress можа зацягнуцца. Кітай адмяняе грузавыя цягнікі ў Літву

Кітай адмяняе грузавыя цягнікі ў Літву на жнівень і верасень, паведамляе BNS са спасылкай на ліст China railway container transport corp.

У лісце гаворыцца, што рашэнне аб адмене цягнікоў звязана з палітычнай сітуацыяй, перадае REFORM.by.

Раней Літва дазволіла Тайваню адкрыць сваё прадстаўніцтва ў Вільні. На гэта КНР адрэагавала адкліканнем свайго амбасадара, а таксама прапановай літоўскаму дыпламату пакінуць Пекін.

Рэгулярныя рэйсы грузавых цягнікоў з Кітая ў Вільню пачаліся ў чэрвені 2020 года.