Кітай рыхтуецца да заваявання Марса

У Кітаі пачаў працу адмысловы касмічны лагер, прысвечаны асваенню Марса. Пакуль у ім трэніруюцца падлеткі, але ў наступным годзе базу абяцаюць адкрыць для турыстаў, паведамляе Reuters.

Каля ста падлеткаў завяршаюць тур па лагеры "Марс База 1". Гэта сімуляцыя іншапланетнай калоніі, якая толькі што адкрыла дзверы для публікі. Яе пабудавалі ў кітайскай часткі пустыні Гобі — якая і без таго нагадвала кадры з "Зорных войнаў", а цяпер стала ледзь не копіяй роднай вёскі Люка Скайуокера.
Комплекс складаецца з некалькіх модуляў, у якіх знаходзяцца цяпліца, спальныя месцы, кают-кампанія і г.д. Вакол размешчана тэхнічная інфраструктура. Пакуль трапіць сюды могуць толькі навучэнцы, але неўзабаве абяцаюць пусціць і турыстаў. Чакаецца, што праз дзесяць гадоў базу будуць наведваць два мільёны чалавек штогод. Улады і бізнес плануюць укласці ў атракцыён амаль 400 мільёнаў долараў. Адзін з інвестараў, Бай Фань, кажа, што ўсё гэта — дзеля будучыні:
"Касмічныя даследаванні — тэма, вельмі далёкая ад жыцця простых людзей. Мы спадзяемся, што падобныя базы дазволяць ім адчуць дух даследаванняў, а не проста пазнаёміцца ​​з тэхналогіямі. Хочам натхніць моладзь падымаць вочы да зорак і імкнуцца да сваёй мары".
Кітайская касмічная праграма хутка развіваецца. У наступным годзе краіна збіраецца адправіць зонд на Марс, затым кітайскія навукоўцы зоймуцца вывучэннем астэроідаў. Усё гэта стымулявала ўсплёск цікавасці ў грамадстве да навукі і навуковай фантастыцы. І ўлады спяшаюцца злавіць "хвалю": у сакавіку ў пустыні на Тыбецкім плато ў правінцыі Цынхай адкрылася першая "марсіянская вёска", дзе могуць жыць 160 чалавек адначасова.