Літва ў 2017 годзе павялічыць выдаткі на абарону
Парламент Літвы зацвердзіў праект бюджэту на 2017 год, які прадугледжвае нарошчванне расходаў на абарону. Ваенныя выдаткі павялічацца прыкладна на 150 мільёнаў еўра.
Авіябаза NАТO ў Літве
Аднапалатны парламент Літвы ўхваліў у чацвер, 22 снежня, праект бюджэту на 2017 год, які прадугледжвае рост выдаткаў на абарону. У падтрымку дакумента прагаласавалі 77 дэпутатаў 141-меснага сейма, 27 выказаліся супраць, паведамляе www.dw.com.
Ваенныя выдаткі павялічацца ў наступным годзе прыкладна на 150 мільёнаў еўра і дасягнуць 724 мільёнаў еўра, што складзе 1,8 працэнта ВУП. Сам жа бюджэт будзе дэфіцытным: расходы перавысяць даходы прыкладна на паўмільярда еўра. У ходзе разгляду дакумента дэпутаты сейма адхілілі звыш 50 прапаноў аб павелічэнні фінансавання па шэрагу артыкулаў.
З 2014 года Вільнюс паслядоўна нарошчваў выдаткі на абарону. Так, у 2015 годзе прырост склаў 32 працэнты. З перадапошняга месца ў спісе NАТO па аб'ёме выдаткаў на ваенныя патрэбы краіна ў мінулым годзе паднялася на 19 месца сярод 28 дзяржаў Паўночнаатлантычнага альянсу. Да 2018 года на фінансаванне арміі ў Літве — у адпаведнасці з рэкамендацыямі альянсу — будзе вылучацца да двух працэнтаў ВУП.