Мадура: ЗША рыхтуюць пераварот у Венесуэле

Венесуэльскі лідар паабяцаў даць прэс-канферэнцыю, на якой раскрые планы Вашынгтона.

Прэзідэнт Венесуэлы Нікалас Мадура заявіў, што ЗША рыхтуюць у яго краіне дзяржаўны пераварот. Пра гэта паведаміла агенцтва AVN.
"Ужо запушчана пры каардынацыі з Белага дома спроба парушыць дэмакратычнае жыццё Венесуэлы і здзейсніць дзяржаўны пераварот супраць канстытуцыйнага, дэмакратычнага рэжыму, які ёсць у нашай краіне", — падкрэсліў Мадура.

Ён паабяцаў у бліжэйшыя дні паведаміць падрабязнасці пра змову, якая, паводле яго слоў, рыхтуецца ў Злучаных Штатах.

Раней Мадура адзначыў, што Венесуэла з'яўляецца ахвярай пастаяннай агрэсіі з боку тых, хто кіруе ЗША.

Нагадаем, у жніўні гэтага года адбылася спроба замаху на прэзідэнта Венесуэлы падчас ваеннага параду ў Каракасе. Пасля інцыдэнту Мадура заявіў, што некаторыя арганізатары інцыдэнту пражываюць у Злучаных Штатах.

Паводле korrespondent.net