Мемарыяльная імпрэза ў гонар паўстанцаў Каліноўскага ў Нью-Ёрку (фота)
З нагоды пахавання герояў паўстання 1863-64 гадоў у Вільні 24 лістапада ў Нью-Ёрку прайшлі жалобныя мерапрыемствы.
У Саборы Святога Кірылы Тураўскага адбылася паніхіда, а потым у грамадскай залі сабора прайшла мемарыяльная імпрэза ў гонар паўстанцаў, на якой сабраліся неабыякавыя беларусы. Кожны ахвочы змог прачытаць вершы ці сказаць цёплыя словы, прысвечаныя героям паўстання.
На мерапрыемстве выступіў гісторык і публіцыст Янка Запруднік, адзін з самых актыўных дзеячоў беларускай дыяспары ў ЗША, бард Сяржук Сокалаў-Воюш і іншыя.
