Місія АБСЕ сустрэла на Данбасе расійскіх вайскоўцаў з Арэнбурга — справаздача

Падчас праверкі месцаў захоўвання цяжкага ўзбраення баевікоў "ДНР", адведзенага згодна з Мінскімі пагадненнямі, назіральнікі АБСЕ ўбачылі расійскіх вайскоўцаў, якія ахоўвалі адзін з аб'ектаў.



Прысутныя на месцы былі часткай 16-й паветрана-дэсантнай брыгады з Арэнбурга. Пра гэта гаворыцца ў штодзённай справаздачы Спецыяльнай маніторынгавай місіі АБСЕ за 2 жніўня, паведамляе УНІАН.

"Узброены чалавек, які ахоўвае аб'ект, паведаміў, што ён і прысутныя на месцы былі часткай 16-й паветрана-дэсантнай брыгады з Арэнбурга, Расійскай Федэрацыі", — гаворыцца ў справаздачы СММ АБСЕ.

Пры гэтым у АБСЕ адзначылі, што на расійскіх вайскоўцаў адсутнічалі якія-небудзь знакі адрознення.

Раней УНІАН паведамляў, што назіральнікі спецыяльнай маніторынгавай місіі АБСЕ пацвярджаюць факты вядзення агню тэрарыстамі з жылых кварталаў акупаванага імі Данецка.