Новы мабільны дадатак ператворыць фатаграфію ў анімацыю

Амерыканская кампанія Mug Life LLC выпусціла аднайменны мабільны дадатак, які стварае анімацыю з фатаграфій. Дадатак створаны на аснове тэхналогій камп'ютэрнага гледжання і трохмернага мадэлявання і даступны для карыстальнікаў прылад Apple.

Распрацоўнікі часта прыдумляюць дадаткі для смартфонаў, якія, на першы погляд, падаюцца бескарыснымі, але могуць шмат у чым палегчыць жыццё. Так, напрыклад, NutriRay3D з дапамогай праекцыі лазерных кропак стварае трохмерную мадэль ежы і падлічвае яе каларыйнасць. З дапамогай іншага дадатка можна рэтушаваць фатаграфіі з камеры смартфона ў рэжыме рэальнага часу. Новы дадатак дапаможа зрабіць з фатаграфіі анімацыю, а затым ператварыць яе ў малюнак фармату gif або відэа.
Алгарытм апрацоўкі складаецца з трох фаз. Спачатку дадатак падзяляе фатаграфію на аб'ёмныя блокі, затым рухае іх у адпаведнасці з абраным фільтрам і рэканструюе фатаграфію назад. У выніку атрымліваецца анімаваныя мадэль звычайнага здымка: у дадатку можна выбраць як ужо гатовыя мадэлі, так і стварыць яе самому — з дапамогай маніпуляцый кропкамі на твары.

Над дадаткам працавалі Роб Коэн і Томас Коулс; раней яны кіравалі Edge of Reality — амерыканскай кампаніяй, якая партавала кампутарныя гульні (сярод іх праектаў — The Sims 2, Dragon Edge і Mass Effect) на кансолі. Яны пачалі працаваць над праектам яшчэ ў 2015 годзе, а Mug Life з'явілася ў пачатку кастрычніка.
Пакуль што дадатак даступны толькі для iOS, але стваральнікі ўжо працуюць над версіяй для Android.
Гэта, аднак, не першая падобная распрацоўка. Напрыклад, у мінулым годзе з'явілася face2face — сістэма кампутарнага зроку, якая можа захапіць рухі твару аднаго чалавека і перанесці іх на выяву іншага
Паводле nplus1.ru