Пакістанскія баевікі захапілі ўніверсітэт і ўзялі ў закладнікі тысячы студэнтаў
Баевікі напалі на ўніверсітэт у паўночна-заходняй частцы Пакістана. У горадзе Чарсадзе, што ў 140 км ад сталіцы краіны, баевікі ўварваліся на тэрыторыю ўніверсітэцкага кампусу і адкрылі агонь па студэнтах.
Фота Reuters
Пакуль няма пацверджанай інфармацыі пра колькасць загінулых і параненых. Вядома пра гібель як мінімум аднаго чалавека — прафесара хіміі, адзначае ВВС.
На тэрыторыі кампуса ідзе інтэнсіўная перастрэлка паміж нападалі і супрацоўнікамі службаў бяспекі.
Агенцтва Al Jazeera паведамляе, што распачаўся штурм універсітэта. Сілам бяспекі, якія спрабавалі адбіць атаку баевікоў, перашкаджаў моцны туман. "Як паведаміла крыніца ў паліцыі, трое тых, хто нападаў утрымліваюць ва ўніверсітэце каля 3000 студэнтаў. Відавочцы кажуць, што чулі па меншай меры адзін вялікі выбух, і да гэтага часу можна пачуць стральбу", — гаворыцца ў паведамленні.
Месца падзей ачэплена, каб не даць баявікам адступіць, па перыметры разгорнута бронетэхніка, ідзе эвакуацыя студэнтаў і выкладчыкаў.
Улады паведамляюць пра двух забітых баевікоў.
Тэлеканал Ary News вядзе прамую трансляцыю з навучальнай установы.