Партугалія: за правацэнтрыстаў галасавалі нават прыхільнікі кампартыі

На выбарах прэзідэнта Партугаліі перамог Марсэла Рэбела дзі Соза, які пазіцыянуе сябе як правацэнтрыст: "У выніку гэтых выбараў тых, хто прайграў, не будзе", — адзначыў
ён.  



Палітык быў вылучаны ад Сацыял-дэмакратычнай партыі і змог пераканаць прыхільнікаў самых розных палітычных поглядаў у тым, што менавіта ён зможа лепш за іншых прадставіць іх інтарэсы. І гэта пры тым, што на вышэйшую дзяржаўную пасаду прэтэндавалі адразу 10 кандыдатаў, паведамляе  euronews.com.

Сваіх канкурэнтаў дзі Соза перамог з разгромным вынікам. Яго асноўны канкурэнт, былы рэктар Лісабонскага ўніверсітэта Антоніу Сампаё да Навоа, атрымаў амаль на 30 адсоткаў галасоў выбаршчыкаў менш. З той ці іншай перавагай дзі Соза, кандыдат-правацэнтрыст, перамог ва ўсіх выбарчых акругах, нават у тых, дзе выбаршчыкі традыцыйна галасавалі за камуністаў.

Марсэла Рэбела дзі Соза, пераможца выбараў прэзідэнта Партугаліі, адразу пасля выбараў адзначыў: "Гэтым вечарам я б хацеў звярнуцца перш за ўсё да партугальскаму народу. Народ вырашае. І народ вырашыў надаць мне гонар быць абраным прэзідэнтам Партугальскай рэспублікі. І ў выніку гэтых выбараў тых, хто прайграў, не будзе".

Поспех дзі Соза — дрэнная навіна для дзеючага прэм'ера краіны сацыяліста Антоніу Кошта. Ён атрымаў сваю пасаду мінулай восенню ў выніку крызісу ўрада правацэнтрыстаў, якія валодаюць у парламенце самай шматлікай фракцыяй, але якія на той момант апынуліся няздольнымі пераадолець вотум недаверу большасці дэпутатаў. Па Канстытуцыі, прэзідэнт мае права распусціць парламент.

Новы кіраўнік дзяржавы афіцыйна ўступіць на пасаду ў сакавіку бягучага года. 

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: