Пратэсты ў Польшчы: кіраўнік МУС абвінаваціў апазіцыю ў спробе захопу ўлады

Польская апазіцыя дапускае правядзенне датэрміновых парламенцкіх выбараў.

Міністр унутраных спраў Польшчы Марыюш Блажчак абвінаваціў апазіцыйныя партыі ў спробе незаконнага захопу ўлады ў ходзе пратэстаў і блакавання парламента. Пра гэта ён заявіў у эфіры адной з радыёстанцый, перадае Reuters.
«На мой погляд, учорашнія падзеі былі незаконнай спробай захапіць уладу», — заявіў Блажчак.
Таксама паведамляецца, што ў Варшаве працягваюцца акцыі пратэсту. У прыватнасці, лідар апазіцыйнай партыі Nowoczesna Рышард Пятру анансаваў мітынгі перад прэзідэнцкім палацам у цэнтры сталіцы Польшчы, а таксама дапусціў правядзенне датэрміновых парламенцкіх выбараў. «Калі бягучая сітуацыя, у якой ПіС (кіруючая партыя «Права і Справядлівасць» — рэд.) згубіла давер народа, так будзе працягвацца, то будуць неабходныя датэрміновыя выбары», — заявіў Пятру.
Раней паведамлялася, што польская апазіцыя заблакавала ўсе выхады з будынка парламента ў ходзе апошняга ў бягучым годзе пасяджэння. Дэпутаты апазіцыйных партый выступалі з трыбуны перад галасаваннем па розных пытаннях, патрабуючы змяніць правілы працы журналістаў у сойме. У канчатковым выніку спікер сейма Марэк Кухчыньскі адхіліў дэпутата партыі «Грамадзянская платформа» Міхала Шчэрбу ад удзелу ў парламенцкай сесіі. У адказ апазіцыянеры пакінулі свае месцы і сабраліся каля трыбуны, заблакаваўшы магчымасць выступаў.

Паводле rbc.ua