Рэдактар "Гістарычнай праўды": расійскія СМІ нагадваюць нацысцкую прапаганду

Кожны фэйк выклікае прыступы агрэсіі і ў выніку гінуць людзі.



Галоўны рэдактар украінскага выдання ​​"Гістарычная праўда" Вахтанг Кіпіані заявіў, што расійская прапаганда нагадвае нацысцкую скіраванасцю супраць канкрэтнага народа.

Пра гэта журналіст выказаўся падчас чата ў выданні "Главред".

Кіпіані падкрэсліў, што кожны фэйк расійскіх СМІ выклікае прыступы агрэсіі, з-за якіх на ўсходзе Украіны гінуць людзі.

"Гэта — не смешны жанр: рабіць з украінцаў небяспечных і драпежных істот. Тое ж самае рабіла нацысцкая прапаганда, дэгуманізуючы габрэяў, і яна дасягнулі "поспеху", — патлумачыў Кіпіані.

Паводле яго слоў, "немцы ў 30-40-х гадах ХХ стагоддзя забівалі мільёны людзей, і ім не было за гэта сорамна". "Тое ж самае зараз робяць расійскія акупанты на Данбасе", — мяркуе журналіст.

Акрамя таго, галоўны рэдактар ​​"Гістарычнай праўды" выказаў меркаванне, што ўкраінскія СМІ належным чынам рэагуюць на выклікі — кожны ў меру сваіх творчых і тэхнічных магчымасцяў.

"Расія дзейнічае дзесяццю каналамі, але з адной пазіцыяй, таму што гэта аўтарытарная дзяржава, і ў яе не можа быць двух пазіцый і двух праўд. Мы ж — дэмакратычная краіна, а таму ўладальнікі медыя, а не дзяржава, вызначаюць кірунак і тон публікацый", — напісаў журналіст.

"Менавіта гэта робіць нас "не Расіяй". І губляць гэта было б катастрафічнай памылкай. Наконт сумленнасці і аб'ектыўнасці нашых СМІ, то ў цэлым я лічу, што яны такімі і з'яўляюцца", — дадаў ён.

Рраней Вахтанг Кіпіані заявіў, што адзінай мэтай забойства журналіста Алеся Бузіны было жаданне Расіі выкарыстаць яго сваёй прапагандай у ролі "сакральнай ахвяры".