Рускія лічаць ворагамі Украіну, ЗША і ЕС — апытанне

66% жыхароў Расіі лічаць, што ў краіны ёсць ворагі. Меркаванне расейцаў фармуе тэлебачанне.

Дзве траціны расейцаў лічаць, што сёння ў Расіі ёсць ворагі і галоўныя сярод іх — ЗША, Украіна і Еўропа. Пра гэта сведчаць дадзеныя апытання “Лявада-цэнтра”.

 “Лявада-цэнтр” у пачатку снежня 2017 года правёў апытанне расейцаў аб наяўнасці ў краіны ворагаў.

У выніку, 66% рэспандэнтаў на пытанне, ці ёсць у сённяшняй Расіі ворагі, адказалі сцвярджальна, 21% расіян адмаўляе іх наяўнасць.

Таксама было зададзенае пытанне, каго рэспандэнты лічаць ворагам краіны (можна было даць некалькі варыянтаў адказу).

Галоўнымі ворагамі Расіі былі названыя ЗША (68%), Украіна (29%) і Еўрасаюз (14%). Далей ідуць былыя рэспублікі СССР (10%), Польшча (8%), Германія, НАТА і Англія (па 6%), прыхільнікі Ісламскага дзяржавы (5%). Дзяржавы Блізкага Усходу і «тыя, хто сёння стаіць ва ўладзе / чыноўнікі / ўрад /", “сябры Пуціна”, атрымалі па 4%.

Негатыўны настрой расейцаў сацыёлаг “Левада-цэнтра” Дзяніс Волкаў звязаў з інфармацыйным фонам.

"Па тэлевізары ўвесь час кажуць пра падступныя змовы супраць нашай краіны", — тлумачыць ён. На яго думку, такія настроі стымулюе адкрыты канфлікт паміж Расіяй і Захадам, што выяўляецца ў санкцыях і контрсанкцыях.

"ЗША знаходзяцца ў спісе галоўных ворагаў Расіі з канца 1990-х, а Еўропа і Украіна — пасля анексіі Крыма", — дадаў ён.

 Корреспондент.net