Сірыйская апазыцыя выходзіць з мірных перамоваў
Кіраўнік сірыйскага апазіцыйнага Вярхоўнага камітэту па перамовах Махамед Алуш заявіў пра адстаўку з-за правалу мірных перамоваў, якія адбываліся пад эгідай ААН.
Кіраўнік сірыйскага апазіцыйнага Вярхоўнага камітэту па перамовах Махамед Алуш (у цэнтры)
Паводле яго слоў, гэтыя перамовы не прынеслі палітычнага ўрэгулявання і не палегчылі цяжкага становішча сірыйцаў у заблакаваных раёнах.
Вярхоўны камітэт па перамовах яшчэ ў красавіку прыпыніў удзел у дыялогу ў Жэневе з урадавай дэлегацыяй Сірыі. Дата аднаўлення перамоваў не была вызначаная.
Махамед Алуш дадаў, што дыялог з'яўляецца «пустым марнаваннем часу», пакуль сірыйскі ўрад не выяўляе гатоўнасці да «сур’ёзных перамоваў».
У лютым у Сірыі абвясцілі пра дасягненне дамоўленасцяў аб перамір’і, але паведамленне пра баявыя дзеянні ў гэтай краіне працягваюць паступаць. Грамадзянскі канфлікт, які перарос у поўнамаштабную вайну, пачаўся ў Сірыі ў 2011 годзе.