Сын афіцэра СС вярнуў каштоўныя працы Музею ў Кракаве
На працягу многіх гадоў творы знаходзіліся ў замку 78-гадовага аўстрыйца.
Фота pl.wikipedia.org/Marcin Zieliński
У Нацыянальны музей у Кракаве вярнуліся тры каштоўныя працы, скрадзеныя падчас вайны. Іх аддаў Хорст Вахтэр, сын афіцэра СС з Генеральнай Губерні Ота Вахтэра.
На працягу многіх гадоў творы знаходзіліся ў замку 78-гадовага аўстрыйца.
Вернутыя карціны — гэта акварэль Юліі Патоцкай, на якой прадстаўлены Палац Патоцкіх пад Баранамі, мапа Рэчы Паспалітай з васямнаццатага стагоддзя і гравюра з панарамай Кракава.
У перадачы твораў удзельнічала былая кандыдатка ў прэзідэнты Польшчы Магдалена Агурэк, па адукацыі гісторык.
Цяпер працы знаходзяцца пад апекай Ваяводскага кансерватара гістарычных помнікаў.