Паўночная Карэя намякае, што ў яе ёсць вадародная бомба

Паўночная Карэя намякнула, што яна стварыла вадародную бомбу, каб "абараніць свой суверэнітэт і годнасць нацыі". Калі гэта праўда, то такая распрацоўка  "color: rgb(70, 70, 70); font-family: Arial, Helvetica, sans-serif;">— гэта трывожны крок у бок нарошчвання ядзернага патэнцыялу.



pulson.ru


Аб гэтым піша Ганна Файфілд у сваім артыкуле «Паўночная Карэя намякае, што ў яе ёсць вадародная бомба, але гэта выклікае скептыцызм», апублікаванай на сайце газеты The Washington Post.

Упершыню рэжым, які ўжо правёў тры ядзерныя выпрабаванні, заявіў, што пабудаваў экспанентна больш магутную вадародную бомбу. Але нядаўняя ваяўнічая заявя Кім Чэн Ына выклікае ў аналітыкаў сумневы, яны лічаць, што малады лідэр у першую чаргу спрабуе ўмацаваць сваю легітымнасць.

«Лічу я, што ў іх ёсць магчымасць зрабіць вадародную бомбу? Я думаю, што гэта практычна немагчыма»,  сказаў Дэніэл Пінкстан, эксперт па ядзернай зброі Паўночнай Карэі, які цяпер знаходзіцца ў Babes-Bolyai University ў Румыніі.

Кім, лідэр Паўночнай Карэі трэцяга пакалення, зрабіў такую заяву падчас наведвання тэрыторыі былога зброевага завода ў цэнтры Пхеньяна. Паўночная Карэя стала "магутнай ядзернай дзяржавай, гатовай падарваць атамную і вадародную бомбу, каб надзейна абараніць свой суверэнітэт і годнасць нацыі", — сказаў ён, згодна з паведамленнямі афіцыйнага Цэнтральнага тэлеграфнага агенцтва Карэі.

Атамная бомба выкарыстоўвае дзяленне, каб расшчапіць атамнае ядро і вызваліць энергію, а вадародная або тэрмаядзерная бомба выкарыстоўвае сінтэз з ядром. Гэта вядзе да каласальнага выбуху ў выніку некантралюемай, самападтрымоўваемай ланцуговай рэакцыі, гаворыцца ў энцыклапедыі «Брытаніка».

Акрамя Кіма, гэтую мясцовасць некалькі разоў наведвалі таксама прэзідэнт-заснавальнік Кім Ір Сен, дзед цяперашняга лідэра, і Кім Чэн Ір, яго бацька. Кажуць, там на стрэльбішчы Кім Ір Сен выпрабоўваў аўтамат, неўзабаве пасля падзелу Карэйскага паўвострава ў 1945 годзе.

Гэтая мясцовасць рэгулярна з'яўляецца ў афіцыйных дакументальных фільмах пра рэвалюцыю і пра ваенна-прамысловы комплекс Паўночнай Карэі, кажа Майкл Мэддэн, эксперт па ўраду Паўночнай Карэі. На фотаздымках Кім Чэн Ын правярае вінтоўкі ўнутры будынка, а гаворыць ужо за яго межамі. Яго памочнікі з нататнікамі напагатове запісваюць кожнае яго слова.

Заява прагучала не ад Нацыянальнай камісіі абароны або палітбюро, якія, як правіла, робяць усе асноўныя заявы. Узнімаючы дасягненні свайго дзеда і бацькі, Кім заявіў, што ён спрабаваў ачысціць іх спадчыну і сваю легітымнасць, сказаў Пінкстан, які свабодна валодае карэйскай мовай.

Аналізуючы карэйскую версію, якая трохі адрозніваецца ад англійскай, эксперт сказаў: Кім заявіў, што 70 гадоў таму на гэтай тэрыторыі быў чутны гук аўтамата яго дзеда, а сёння Паўночная Карэя стала ядзернай дзяржавай, «якая можа зладзіць выбух вадароднай або атамнай бомбы». Гэта зусім не азначае, што Паўночная Карэя распрацавала бомбу, сказаў ён.

«Я вельмі скептычна ацэньваю факт таго, што яны маглі здзейсніць такі навуковы прагрэс»,  сказаў Пінкстан.

Паўднёвакарэйскія разведчыкі таксама былі скептычна настроены і назвалі словы Кіма проста рыторыкай. «У нас няма ніякай інфармацыі аб тым, што Паўночная Карэя распрацавала вадародную бомбу»,  цытуе агенцтва «Рэнхап» невядомага супрацоўніка выведкі. «Мы не лічым, што Паўночная Карэя, якой не ўдалося паменшыць ядзерныя бомбы, мае ў распараджэнні тэхналогіі для вытворчасці вадароднай бомбы».

Паўночная Карэя вядомая сваімі гучнымі заявамі, якія звычайна нічым не пацверджаны. У апошнія месяцы Пхеньян заявіў, што можа запусціць балістычную ракету з падводнай лодкі, што паменшыў ядзерныя боегалоўкі, каб яны маглі змясціцца на ракеце і перазапусціць ключавыя ядзерныя аб'екты ў Енбене. Ні адно з гэтых сцвярджэнняў не было пацверджана. На самой справе, Паўночная Карэя абвергла першую заяву няўдалым запускам ракеты з падводнай лодкі ў мінулым месяцы.

Спадарожнікавыя выявы дазваляюць выказаць здагадку, што Паўночная Карэя, магчыма, рыхтуецца зноў правесці ядзернае выпрабаванне, або, па меншай меры, хоча быць гатовая да яго правядзення.

З 2006 года Паўночная Карэя правяла тры ядзерныя выпрабаванні, але, нягледзячы на маштабнае «бразганне зброяй», яна не ўзарвала прыладу ў пачатку 2013 года. Аднак пры Кім Чэн Ыне Паўночная Карэя неаднаразова пазіцыянавала сябе як ядзерная дзяржава і адмовілася вярнуцца да шматбаковых перамоваў, накіраваных на тое, каб пераканаць яе раззброіцца.

Падобна на тое, Паўночная Карэя збіраецца будаваць новы тунэль на сваім палігоне для ядзерных выпрабаванняў. Гэта павышае верагоднасць таго, што краіна ўсе ж правядзе гэтыя выпрабаванні ў наступным годзе, сказаў Джэфры Льюіс, эксперт па нераспаўсюджванні зброі ў Інстытуце міжнародных даследаванняў Middlebury ў Монтерее, хоць няма прыкмет таго, што яны непазбежныя.

Міжнароднае агенцтва па атамнай энергіі (МАГАТЭ) выказала меркаванне ў верасні, што Паўночная Карэя, магчыма, умацоўвае сваю ядзерную праграму, хоць агенцтву не далі доступ да ядзерных аб'ектаў.

Выкарыстоўваючы спадарожнікавыя здымкі, МАГАТЭ назірала за рэканструкцыяй і будаўніцтвам на галоўным заводзе ў Енбене, што, верагодна, адпавядае заявам краіны аб тым, што яна і далей развівае свой ядзерны патэнцыял, сказаў Юкія Амана, генеральны дырэктар МАГАТЭ.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: