У Афінах паліцыя ўжыла слёзатачывы газ супраць настаўнікаў-пратэстоўцаў
Работнікі сярэдніх школ выйшлі на пратэсты, нягледзячы на забарону ўладаў. Падчас сутыкненняў паліцыя ўжыла спецсродкі.
У Афінах — сутыкненні паліцэйскіх і настаўнікаў. Фота: ekathimerini.com
У сталіцы Грэцыі ў пятніцу, 11 студзеня, адбыліся
сутыкненні паліцыі і работнікаў сферы адукацыі, які выйшлі на акцыю пратэсту,
нягледзячы на забарону дэманстрацыяў у сувязі з візітам канцлера Германіі
Ангелы Меркель, паведамляе Еkathimerini.
Адзначаецца, што сотні школьных настаўнікаў сабраліся на плошчы Сінтагма. Яны патрабавалі адмены закона, які змяняе працэдуру прызначэння педагогаў у сістэме дзяржаўных школ.
Некалькі дзясяткаў пратэстоўцаў паспрабавалі прабіцца ў парламент, але іх заблакавалі і адціснулі паліцэйскія, якія выкарыстоўвалі слезацечны газ.
Ангела Меркель прыбывала ў Грэцыю з двухдзённым візітам у чацвер для сустрэчы з прэм'ер-міністрам Алексісам Цыпрасам і іншымі чыноўнікамі. Грэчаскія ўлады забаранілі дэманстрацыі на час візіту Меркель у большай частцы цэнтра Афін, а таксама ў прыгарадах сталіцы.
Паводле korrespondent.net