У Чэхіі прайшла акцыя салідарнасці з пакаранымі сябрамі ініцыятывы «Ежа замест бомб» у Мінску (фота)
Актывісты ініцыятывы "Ежа замест бомб" у Чэхіі зладзілі акцыю салідарнасці са сваімі затрыманымі беларускімі калегамі.
У сераду, 27 студзеня, каля ста чалавек з руху "Чэшская ежа замест бомб" сабраліся перад пасольствам Беларусі ў Празе, паведамляе a2larm.cz. Такім чынам яны адрэагавалі на падзеі ў Мінску, дзе на мінулым тыдні былі затрыманыя дзве групы актывістаў з ініцыятывы Ежа замест бомб, калі яны раздавалі ежу бяздомным. Разам з імі міліцыя затрымлівала людзей, якія прыйшлі па бясплатную ежу.
Чэшская акцыя салідарнасці з беларускай "Ежай замест бомб" павінна была прыцягнуць увагу да несправядлівасці, ахвярамі якой сталі беларускія актывісты і іншыя людзі, а таксама дапамагчы сабраць сродкі для аплаты штрафаў. На мерапрыемства прыехалі прадстаўнікі арганізацыі "Ежа замест бомб" з пятнаццаці чэшскіх гарадоў.
Фота Пятра Зеўлака,