У Іране адбылася цісканіна падчас пахавання генерала Сулеймані. Загінулі 35 чалавек

На паўднёвым усходзе Ірана ў горадзе Керман адбылася цісканіна ў натоўпе, які сабраўся на пахаванне генерала Касема Сулеймані, забітага 3 студзеня. Пра гэта паведамляе іранскі тэлеканал Press TV.

Associated Press са спасылкай на мясцовыя СМІ паведамляе пра 35 загінулых. 48 чалавек атрымалі траўмы.
Напярэдадні жалобная цырымонія прайшла ў Тэгеране. Associated Press адзначае, што развітацца з Сулеймані выйшлі каля мільёна чалавек.
Керман — родны горад Сулеймані.
Іранскі генерал Касем Сулеймані быў забіты 3 студзеня ў Багдадзе ў выніку авіяўдару ЗША. Яго загадаў нанесці амерыканскі прэзідэнт Дональд Трамп. У Іране назвалі тое, што адбылося актам міжнароднага тэрарызму. Парламент краіны прызнаў усе ўзброеныя сілы ЗША тэрарыстычнымі арганізацыямі, у тым ліку Пентагон.
Паводле tvrain.ru