У Італіі выратавалі больш за 500 мігрантаў на адной рыбацкай лодцы

Італьянская берагавая ахова выратавала 539 мігрантаў, якія знаходзіліся на рыбацкай лодцы, якая дрэйфавала ля берагоў Лампедузы ў Міжземным моры.

Мяркуецца, што перагружаная мігрантамі лодка прыбыла з Лівіі, на ёй было нямала жанчын і дзяцей. Сярод мігрантаў егіпцяне, сірыйцы, а таксама выхадцы з Паўночнай Афрыкі, паведамляе BBC.
Паводле «Дактароў без межаў», перад адпраўкай у Італію мігрантаў маглі збіваць: на іх целах выяўленыя сляды фізічнага гвалту. Паводле адной з версій, у Лівіі яны былі ў зняволенні.
Паколькі лодка з мігрантамі магла затануць, людзей перамясцілі на судны італьянскай мытні і берагавой аховы і перавезлі на Лампедузу.
nn.by