У расійскае консульства ў Львове шпурнулі кактэйль Молатава

Расія назвала інцыдэнт «тэрарыстычным актам».
Плакат на плоце расійскага консульства ў Львове падчас акцыі з патрабаваннем да Масквы прызнаць Галадамор генацыдам украінцаў, 27 лістапада 2020-га

Плакат на плоце расійскага консульства ў Львове падчас акцыі з патрабаваннем да Масквы прызнаць Галадамор генацыдам украінцаў, 27 лістапада 2020-га


Міністэрства замежных спраў Расіі заявіла, што ў консульства Расіі ва Украіне, якое знаходзіцца ў Львове, кінулі кактэйль Молатава. Расійскі бок назваў напад «тэрарыстычным актам». У расійскае МЗС выклікалі часовага паверанага ў справах Украіны, каб выказаць афіцыйны пратэст, і запатрабавалі ад Кіева прабачэнняў.

Украінская паліцыя заявіла, што распачала расследаванне па факце здарэння, якое яны назвалі «хуліганствам».

Інцыдэнт адбыўся ў той час, калі напружанасць паміж Кіевам і Масквой абвастрылася пасля таго, як Расія засяродзіла каля 100 000 вайскоўцаў каля сваёй мяжы з Украінай, а Злучаныя Штаты назвалі гэта магчымай прэлюдыяй да ўварвання.

Новыя спадарожнікавыя здымкі, зробленыя прыватнай амерыканскай кампаніяй, паказалі, што Расія ў апошнія тыдні працягвала размяшчаць танкі, мабільныя ракетныя артылерыйскія сістэмы і перадавыя батарэі балістычных ракет малой далёкасці паблізу мяжы, а таксама на Крымскім паўвостраве, які Расія незаконна анексавала ў 2014 годзе.

На здымках, апублікаваных амерыканскай кампаніяй «Maxar Technologies» 23 снежня, па стане на 13 снежня бачная база ў Крыме, запоўненая сотнямі адзінак бранятэхнікі і танкаў. Спадарожнік «Maxar» на здымках таго ж месца ў кастрычніку паказваў, што база была напалову пустой.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: