Укрпошта зноў прадае марку «рускі карабель», але зараз яе ніхто не можа набыць

Укрпошта сёння, 22 красавіка, зноў прадае марку "рускі карабель" — гэтым разам на сайце, але пакуль яе ніхто не можа набыць.

Ва Украіне шалёны ажыятаж з-за знакамітай маркі ад Укрпошты пра "рускі ваенны карабель". Пасля спынення продажаў у аддзяленнях, стартавалі продажы анлайн, аднак сайт часова перастаў працаваць з-за вялікай колькасці ахвочых стаць уладальнікамі легендарнай маркі, паведамляе РБК.

Па словах гендырэктара Укрпочта Ігара Смелянскага, на сайце postmark.ukrposhta.ua за першую гадзіну было апрацавана, аплачана і гатова больш 1100 замоваў.

"Максімум зыходзячы з колькасці марак 100 000 і ліміту 1 ліст (6 марак) у 1 замове — да 15000 замоваў", — паведаміў кіраўнік ведамства.

У гэты момант сайт часова недаступны.



"Прашу зразумець, сайт — гэта сайт продажу марак, а не Амазон, і  ён быў зроблены, улічваючы попыт, якога яшчэ не было, для 20000 адначасовых карыстальнікаў. Улічваючы нават 3 хвіліны на замову, гэта да 300–400 тысяч замоваў на гадзіну", — піша Смялянскі.

З-за вялізнага наплыву на сайт, а таксама падазрэнняў на атаку, прыём новых замоваў прыпынены да 13:00 па кіеўскім часе.

“Таму папярэдне ў 13:00 адкрыем продаж. Я паведамлю пра гэта асобна. Яшчэ раз прашу прабачэння за нязручнасці!" — дадаў гендырэктар Укрпочта.

Таксама ён нагадаў, што плануецца наступны тыраж маркі ў 5 мільёнаў асобнікаў.