Латушка: Беларусь чакае чарговая дэвальвацыя рубля

Расійскія рублі хлынуць на рынак Беларусі і расіяне пачнуць актыўна скупляць валюту ў беларускіх банках.

Такую выснову Павел Латушкак робіць пасля таго, як Цэнтрабанк Расіі ўвёў абмежаванні на зняцце валюты грамадзянамі ў камерцыйных банках, а таксама забарону на абмен расійскай валюты на долары і еўра.

У выніку, па словах Латушкі, расійскія рублі хлынуць на рынак Беларусі і расіяне пачнуць актыўна скупляць валюту ў беларускіх банках.

— Гэта прывядзе да росту курса долара і еўра. Беларускія банкі будуць вымушаныя падымаць курс рубля, фактычна дэвальваваць курс расійскага рубля на тэрыторыі Беларусі, каб не падняць удвая кошт экспарту беларускіх тавараў на расійскі рынак. Трэба лічыцца з тым, што тыя, у каго ёсць рахункі, у бліжэйшы час могуць імі не скарыстацца. Яны могуць быць замарожаны. Таму трэба забіраць грошы з беларускіх банкаў, — раіць палітык.

Латушка адзначае, што цярпець беларускі народ будзе да той пары, пакуль рэжым Лукашэнкі будзе захоўваць уладу.

Паводле www.polskieradio.pl