У 30 працэнтаў беларускіх сем'яў на ежу сыходзіць больш за палову выдаткаў

На мяса, малако і хлеб сыходзіць асноўная доля выдаткаў на прадукты харчавання сярэдняй беларускай хатняй гаспадаркі.

Спажывецкія выдаткі на хатнюю гаспадарку ў 3-м квартале склалі 1182 рублёў у месяц, паводле Белстата. Пры гэтым доля прадуктаў харчавання ў такіх выдатках дасягнула 36,5%, а тытуню і алкаголю — яшчэ 2,4%. У пераліку на грошы ў хатняй гаспадаркі сыходзіла 431,6 рублёў на месяц на прадукты, піша thinktanks.by.

Амаль 3% сем'яў выдаткоўваюць на харчаванне больш за 70% сваіх выдаткаў. Яшчэ ў 9,5% на ежу сыходзіць ад 60% да 70% выдаткаў, у 18% хатніх гаспадарак — 50-60%.

Самыя багатыя 23% хатніх гаспадарак накіроўваюць на прадукты харчавання менш за 30% сваіх выдаткаў.

На якія прадукты сыходзіць больш за ўсё грошай у месяц у сярэдняй хатняй гаспадаркі?

На хлеб і хлебапрадукты — 63,4 рубля,

на малако і малочныя прадукты – 95 рублёў,

на мяса і мясныя прадукты — 118,9 рубля,

на іншыя прадукты харчавання — 154,3 рубля.

У гарадской мясцовасці выдаткі на куплю прадуктаў склалі 449,4 BYN у месяц, у сельскай мясцовасці — 373,9 BYN. У вёсцы вялікая частка спажываемых прадуктаў вырошчваецца на асабістых падсобных гаспадарках, у гарадах гэтая доля істотна ніжэйшая.