Міністэрства аховы здароўя абвясціла аб 1654 новых выпадках COVID-19 за суткі

У Беларусі за суткі зарэгістравана 1654 новых выпадку каронавіруса, паведаміла Міністэрства аховы здароўя. Усяго з пачатку пандэміі COVID-19 быў пацверджаны ў 687 948 чалавек.

Выпісаныя за дзень 1938 пацыентаў. Усяго ж ачунялымі лічацца 679 752 чалавекі, піша REFORM.by.

За суткі памерлі 17 чалавек з выяўленай каронавіруснай інфекцыяй. Усяго ж у афіцыйнай статыстыцы ўжо 5432 смяротныя вынікі.

У краіне зрабілі 10,87 млн тэстаў, у тым ліку 30 608 за суткі.