Чаму адмянілі самаізаляцыю кантактаў 1 і 2 ўзроўню? Усё проста: ім не будуць выдаваць бальнічны

У Беларусі адмянілі самаізаляцыю для кантактаў першага і другога ўзроўню, а таксама тым, хто прыязджае з-за мяжы. Гэта прадугледжана пастановай №727 ад 17 снежня, якая сёння ўступіла ў сілу.

balniczny_2212.jpg


У сувязі з гэтым у Беларусі спыняецца выдача лістка непрацаздольнасці кантрактамі 1 і 2 узроўняў. Атрымаць бальнічны могуць толькі грамадзяне, якія знаходзяцца ў самаізаляцыі з пацверджаным дыягназам COVID-19, паведаміла Міністэрства аховы здароўя, піша REFORM.by.

Гэта азначае, што, напрыклад, калі хтосьці ў сям'і захварэў на каронавірус, іншыя будуць вымушаныя далей хадзіць на працу, на вучобу і гэтак далей, тым самым, мажліва, разносячы хваробу.