Затрыманыя восем супрацоўнікаў банка «БелВЭБ», у тым ліку члены праўлення

Найбуйнейшы навінавы партал, прызнаны «экстрэмісцкім», паведамляе пра затрыманне васьмі дзеючых і былых кіраўнікоў банка «БелВЭБ».

Сярод затрыманых — старшыня праўлення банка, былы віцэ-прэм'ер Васіль Мацюшэўскі, гэтую інфармацыю пацвердзіла крыніца з банка.

29 сакавіка ў банк «БелВЭБ» прыйшлі сілавікі.

Па інфармацыі аднаго з супрацоўнікаў банка, затрыманыя восем прадстаўнікоў дзейнага і былога кіраўніцтва.

Сярод затрыманых старшыня праўлення Васіль Мацюшэўскі, яго першы намеснік Тарас Надольны, намеснікі старшыні Анатоль Барысевіч, Віктар Перапяліца і Дзмітрый Ляўданскі. Усе яны значацца ў спісе дзеючага кіраўніцтва на сайце банка.

Затрыманыя таксама член праўлення Анатоль Паўлавіч і дырэктар па развіцці банка Аляксей Мазжухін.

У сувязі з чым затрыманыя гэтыя людзі, афіцыйнай інфармацыі няма.

Васіль Мацюшэўскі да 2010 года працаваў у Нацбанку, адкуль перайшоў у кіраўніцтва «БПС-Ашчадбанка». З 2014 па 2018 год ён займаў пасаду першага намесніка прэм'ер-міністра Беларусі. Пасля гэтага былы чыноўнік стаў старшынёй праўлення банка «БелВЭБ».