Ад 2 да 4 гадоў калоніі. Суд у Горадні вынес выракі фігурантам «справы Ціханоўскага»
Суд Кастрычніцкага раёну Горадні вынес выракі ў справе аб штурханіне на пікеце Ціханоўскай у Горадні, якая адбыліся год таму і скончылася затрыманнем блогера Сяргея Ціханоўскага, піша Свабода.
Суд у Горадні ў «справе Ціханоўскага». Падсудныя Уладзімір Кніга, Яўген Разьнічэнка, Зміцер Фурманаў. 17 траўня 2021
Суддзя Вольга Бекушава пастанавіла пакараць
Змітра Фурманава — 2 гадамі калоніі агульнага рэжыму,Яўгена Разнічэнку — 3,5 гадамі калоніі агульнага рэжыму,Уладзіміра Кнігу — 4 гадамі калоніі строгага рэжыму.
Таксама суддзя пастанавіла спагнаць з Уладзіміра Кнігі 1000 рублёў маральнай шкоды на карысць амапаўца Дзмітрыя Рахунка, а таксама 228 рублёў маёмаснай шкоды на карысць дзяржавы.
З Яўгена Разнічэнкі — спагнаць 1000 рублёў на карысць міліцыянта Уладзіміра Казлоўскага, а таксама 87 рублёў на карысць дзяржавы.
Дзяржаўны абвінаваўца Мікіта Мыслівец папрасіў суд пакараць на менавіта такія тэрміны.
У судзе Кастрычніцкага раёну перад абвяшчэннем прысуду фігурантам «справы Ціханоўскага»
Фігуранты справы ўжо год знаходзяцца пад вартай. Справу разглядала суддзя Вольга Бекушава. Пракурор Мікіта Мыслівец. Суд пачаўся 18 студзеня.
Міліцыянт Казлоўскі, які праходзіць у справе як пацярпелы