Ад Вільні да Таронта: дзе беларусы будуць святкаваць Дзень Волі-105
25 сакавіка сёлета адзначаюцца 105-я ўгодкі абвяшчэння БНР. Budzma.me склалі мапу святкавання гэтай важнай для беларусаў даты. Маштаб уражвае!
Святкаванне Дня Волі ў Мінску ў 2018 годзе каля Опернага тэатра. Фота Дзіяны Пінчук
105 гадоў таму, 25 сакавіка 1918 года, была абвешчана Беларуская Народная Рэспубліка. У гэты дзень беларусы штогод ладзяць урачыстасці. Сёлета з нагоды Дня Волі з 24 па 26 сакавіка ў розных гарадах свету пройдуць урачыстыя мерапрыемствы. «Будзьма беларусамі» зрабілі падборку з раскладам святочных імпрэзаў, каб вы маглі годна адзначыць у сваім горадзе найвялікшае нацыянальнае свята.
Літва
Вільня
Вільня гуляе ў квіз «А што ты ведаеш пра БНР»
25 сакавіка завітайце а 15-й у «Карчму 1863» на квіз «А што ты ведаеш пра БНР», у які гуляюць беларусы па ўсім свеце з нагоды Дня Волі.
105 год. Дзень Волі ў Вільні
Дата: 25 сакавіка
Час: пачатак у 10:45 (час мясцовы)
У праграме:
10:45–11:30: Наведванне могілак братоў Антона і Івана Луцкевічаў і капліцы на могілках Росы, дзе пахаваны беларускія паўстанцы 1863-1864 гг.
Могілкі Росы
11:30–12:00: Аўтапрабег з бела-чырвона-белымі сцягамі ад могілак Росы да Лукішскай плошчы
Спасылка на запіс на аўтапрабег
12:00–12:30: Мітынг на Лукішскай плошчы
Лукішская плошча
19:00–20:00: Запальванне лампадак каля беларускай амбасады, хвіліна памяці загінулым у змаганні за Вольную Беларусь, мітынг-канцэрт і сумеснае спяванне гімна «Пагоня».
Амбасада Беларусі (Mindaugo g. 13).
Святкаванне Дня Волі ў Вільні
26 сакавіка Беларусы Вільні запрашаюць на дыктоўку*, якую будзе чытаць Маляваныч, а таксама ладзяць адукацыйную гульню-квіз для тых, хто хоча пацешыцца і пашырыць свае веды пра гісторыю БНР.
Каўнас
Адкрыццё помніка Клаўдзію Дуж-Душэўскаму ў Каўнасе
Клуб «Ліцвіны» запрашае беларусаў на ўрачыстае адкрыццё помніка Клаўдзію Дуж-Душэўскаму, выбітнаму беларускаму архітэктару, журналісту і грамадзкаму дзеячу. Ён нарадзіўся ў Беларусі, прайшоў доўгі шлях рэпрэсій за абарону нацыянальнай беларускай свядомасці, сыйшоў з жыцця і пахаваны ў Каўнасе.
Урачыстая цырымонія адкрыцця помніку, прыўрочаная да святкавання 105-й гадавіны стварэння першай незалежнай беларускай дзяржавы, адбудзецца а 15 гадзіне 25 сакавіка 2023 году ў Каўнасе.
Польшча
Варшава
«Спеўны сход» да Дня Волі ў Варшаве
24 сакавіка рыхтуемся да святкавання важнага для ўсіх беларусаў свята 25 сакавіка. Заспяваем разам вядомыя беларускія песні і гімны пачатку XX ст.:
«Ваяцкі марш», «Пагоня», «Магутны Божа», «Не загаснуць зоркі ў небе» і іншыя.
Дзень Волі ў Варшаве: мітынг-канцэрт ды шэсце
У Дзень Волі, 25 сакавіка, пачаць святкаванне варта са святочнага мітынга ў цэнтры Варшавы. Збор — у 12.45 ля калоны Жыгімонта.
У праграме:
13.00 — урачысты марш па цэнтры горада;
Месца: plac Zamkowy, Варшава
15.00 — мітынг-канцэрт. Удзел бяруць палітыкі і музыкі.
Месца: plac Konstytucji, Варшава.
Дзень Волі з Уладзімірам Арловым у Варшаве
Дата: 26 сакавіка
Час: 16.00 (час мясцовы)
Месца: Witryna Domu Wschodniego, Plac Konstytucji 6 (уваход з правага боку будынка), Варшава
Вас чакае прэзентацыя новай кнігі Уладзіміра Арлова «Айчына. Ад Агінскага да Багушэвіча» і акустычны выступ Піта Паўлава пры ўдзеле Рамана Арлова!
Беласток
Дзень Волі ў Беластоку
Беларуская нацыянальная меншасць у Польшчы і Беларуская дыяспара ў Беластоку арганізуюць святкаванні 105-х угодкаў Акту 25 Сакавіка 1918 г. Дзень Волі адзначаецца беларусамі ўжо звыш стагоддзя і яднае нас усіх ідэя незалежнай, беларускай дзяржавы.
Праграма святкавання тут.
Гданьск
Дзень Волі ў Гданьску
У суботу, 25 сакавіка, беларусы Гданьска святкуюць Дзень Волі! Праграма — неверагодная!
Пачынаецца з імшы. 25 сакавіка ў 9.30 будзе малітва за Беларусь ды імша па-беларуску.
Лодзь
Урачыстае шэсце да Дня Волі ў Лодзі
У суботу, 25 сакавіка, Беларускі палітычны клуб Лодзі запрашае на урачыстае шэсце-мітынг.
Час: 16.00 (час мясцовы)
Месца збору: вул. Петраковска 1, Лодзь.
Познань
Мітынг да Дня Волі ў Познані
Дата: 25 сакавіка
Час: 17.00 (час мясцовы)
Месца: plac Wolności, Познань
Не забудзьцеся сцягі і святочны настрой!
Канцэрт Рамана Арлова «Будзьма беларусамі» да Дня Волі ў Познані
25 сакавіка ў 18.00 Раман Арлоў грае ў Познані вялікі сольны канцэрт да Дня Волі «Будзьма беларусамі»!
Украіна
Львоў
Дзень Волі ў Львове
24 і 25 сакавіка беларусы Львова ладзяць імпрэзы з нагоды Дня Волі.
У пятніцу, 24 сакавіка, у «Доме Ваяра» адкрываецца выстава «З Украінай у сэрцы», прысвечаная беларускім ваярам, аддаўшым жыццё за свабоду Украіны, і героям, якія працягваюць гэтую барацьбу.
25 сакавіка, у суботу, будзе ўскладанне кветак да помніка паўстанцам Каліноўскага на Лычакоўскіх могілках.
ЗША
Лос-Анджэлес
Дзень Волі ў Лос-Анджэлесе
У суботу, 25 сакавіка, у беларусаў Лос-Анджэлеса — Дзень Волі ды гуканне вясны!
Вашынгтон
Дзень Волі ў Вашынгтоне
Дата: 25 сакавіка
Час: з 12.00 (час мясцовы)
Месца: Lafayette Square, Вашынгтон
Апоўдні каля Белага Дома ў Вашынгтоне будзе мітынг-пікет з выступамі прадстаўнікоў мясцовых беларускіх суполак i іншых дыяспар;
А 15-й жа свята працягнецца ў фармаце сяброўскага пікніка з BYOB + pot luck: кожны прыносіць адну страву да стала і напоі, якія даспадобы.
Сіэтл
Гуканне Волі ў Сіэтле
25 сакавіка, у суботу, беларусы Сіэтла адзначаюць Дзень Волі і адначасова гукаюць вясну. Гукаюць Волю! Прапануюць спачатку падсілкавацца як след традыцыйнымі абрадавымі стравамі, а пасля будуць вадзіць карагоды і прасіць птушак прынесці дoўгачаканую вясну ды волю на сваіх крылах.
Філадэльфія
Дзень Волі ў Філадэльфіі
Дата: 25 сакавіка
Час: з 17.00 да 22.00 (час мясцовы)
Месца: Lithuanian Music Hall 2715 E Allegheny Ave, Philadelphia
Bеlarus FREEDOM-Philadelphia падрыхтавала фестываль-канцэрт з жывой мызыкай, гульнямi і інтэрактыўнымi станцыямi.
Вялікабрытанія
Лондан
Дзень Волі ў Лондане
У суботу, 25 сакавіка, беларусы Лондана святкуюць Дзень Волі.
Час: 14.00 (час мясцовы)
Месца: Беларускі Дом, 52 Penn Road, Лондан
Згуртаванне Беларусаў Вялікабрытаніі запрашае адзначыць 105-я угодкі абвяшчэння Беларускай Народнай Рэспублікі.
З галоўным выступам сёлета — доктар Аляксандр Пагарэлы, PhD (Варшава). Тэма — «Супольнасць лёсаў і памкненняў: узаемныя назіранні беларусаў і ўкраінцаў ад нацыянальных рэвалюцый да 1939 года».
Будзе і анлайн-трансляцыя праз зум па спасылцы.
Славакія
Браціслава
Дзень Волі ў Браціславе
Дата: 25 сакавіка
Час: 14.00 (час мясцовы)
Месца: Hviezdoslavovo námestie, Браціслава
Вас чакаюць канцэрт, выстава, беларускія кнігі, цудоўныя беларускія і ўкраінскія тавары і, нарэшце, кінапаказ.
Грузія
Тбілісі
Святкуйма Дзень Волі РАЗАМ! (Тбілісі)
Дата: 25 сакавіка
Афіцыйная частка
14.00 — збор ля Першай гімназіі
Месца збору: https://goo.gl/maps/QSdrF9ggE7kHY4kb7
14:30-15:30 — святочны марш і ўрачыстая акцыя-мітынг у цэнтры Тбілісі.
Падчас мітынгу ўсе разам праспяваем нашыя нацыянальныя гімны!
На мітынгу будзе магчымасць выступіць са сваёй прамовай. Калі ласка, загадзя ўзгадніце свой тэкст на пошту belromatut@gmail.com.
Неафіцыйная частка
16:00 — працяг святкавання адбудзецца ў бары Bunker.
У праграме квіз (рэгістрацыя на квіз па спасылцы), выступы беларускіх музыкаў, стэндап, караоке, дабрачынны аўкцыён і шмат іншых цікавых актыўнасцяў.
Батумі
Квіз «А што ты ведаеш пра БНР?» у Батумі
У пятніцу, 24 сакавіка, беларусы ў розных гарадах свету гуляюць у суперпуперквіз «А што ты ведаеш пра БНР?» (З прызамі!) То ў Батумі таксама гуляюць!
Час: 20.00 (час мясцовы)
Месца: прастора «Аксяродак», вул. Метакса, 4, Батумі
Прыходзьце высветліць, што ж ведаеце вы!
Забег, мітынг і дваровы канцэрт: Дзень Волі ў Батумі
25 сакавіка беларусы Батумі святкуюць Дзень Волі!
Германія
Кёльн
Святочны мітынг да Дня Волі ў Кёльне
У суботу, 25 сакавіка, беларусы Кёльна збіраюцца на святочны мітынг з нагоды Дня Волі.
Час: з 13.30 да 16.00 (час мясцовы)
Месца: Bahnhofsvorplatz, Кёльн
Гейдэльберг
Дзень Волі з Андрусём Такіндангам у Гейдэльбергу
Дата: 25 сакавіка
Час: 17.00 (час мясцовы)
Месца: Albert-Ueberle-Str. 3-5, Гейдэльберг
Будзе гучна, весела і драйвова!
Швецыя
Стакгольм
Урачыстае шэсце на Дзень Волі ў Стакгольме
Дата: 25 сакавіка
Час: 13.00 (час мясцовы)
Месца збору: Medborgarplatsen, Стакгольм
Рушаць да каралеўскага палаца.
Далучайцеся!
Канада
Эдмантан
Дзень Волі ды Гуканне вясны ў Эдмантане (Канада)
У суботу, 25 сакавіка, беларусы Эдмантана святкуюць Дзень Волі ды гукаюць вясну.
Таронта
Канцэрт да Дня Волі ў Таронта
Дата: 25 сакавіка
Час: 19.00 (час мясцовы)
Месца: Ukrainian Orthodox Cathedral Of St Volodymyr, 400 Bathurst Street, Таронта.
Будзе і кірмаш у падтрымку Украіны. А яшчэ — урачыстыя віншаванні і салодкі стол!
Ізраіль
Тэль-Авіў
25 сакавіка прадстаўнікі беларускай дыяспары Ізраілю сіламі творчага аб’яднання BSRB Production ды Народнай Амбасады Беларусі ў Ізраілі ладзяць святкаванне 105-й гадавіны ад падпісання Акту Незалежнасці!
Час: 17:00
Месца: HaMeretz 2, Tel-Aviv.
Праграма святкавання тут.