Адпусцілі заўзятараў. «Адміністрацыйны працэс у дачыненні да іх не пачынаўся»

Мінская міліцыя пракаментавала сітуацыю з футбольнымі заўзятарамі, якія не змаглі трапіць на матч «Крумкачы» — «Хваля» ў САК «Алімпійскі».

«Супрацоўнікамі міліцыі ў тэрытарыяльнае РУУС Мінска дастаўлены чацвёра грамадзян для ўстанаўлення асобы. У сапраўдны момант грамадзяне адпушчаныя, адміністрацыйны працэс у дачыненні да іх не пачынаўся», — паведамляе TUT.BY са спасылкай на тэлеграм-канал «Міліцыя Мінска».

Нагадаем, раней з’явілася інфармацыя, што ў Мінску на матчы перад матчам ФК «Крумкач» — «Хваля» на ўваходзе стаяў Балаба. Ён не пусціў на стадыён САК «Алімпійскі» дзяўчыну ў майцы з лічбай 25 і сказаў: «Не дапушчу палітычных акцый на стадыёне». Таксама на падыходзе да стадыёна двух дзяўчат з надзіманымі лічбамі 2 і 5 спынілі і адвялі ў аўтазак.

Была інфармацыя, што ціхароў заўважылі і сярод заўзятараў.

У мінулую нядзелю на матчы з удзелам каманды «Крумкачы» заўзятары правялі акцыю салідарнасці з Алясандрам Івуліным, які знаходзіцца на сутках. Яны трымалі ў руках плакаты з лічбай «25» (нумар Аляксандра ў камандзе) і скандавалі «А Саша выйдзе?».