Амерыканскі юрыст, асуджаны за «спробу дзяржперавароту», абскардзіў прысуд

Юрась Зянковіч, якога асудзілі за «спробу дзяржперавароту» да 11 гадоў зняволення, абскардзіў прысуд. Раней прысуд таксама абскардзілі Рыгор Кастусёў і Аляксандр Фядута
Юрась Зянковіч у судзе. Фота: Sputnik

Юрась Зянковіч у судзе. Фота: Sputnik

Папярэднюю скаргу на прысуд падаў ягоны адвакат, паведамляе «Еўр*радыё». «Асноўная будзе пададзеная пасля азнаямлення з пратаколам судовага пасяджэння», — сказаў адвакат Зянковіча Рыгор Жукаў.

Раней прысуд абскардзілі Рыгор Кастусёў і Аляксандр Фядута. Іншыя два фігуранты справы — Вольга Галубовіч і Дзяніс Краўчук — абскарджваць прысуд не плануюць. Зянковіч атрымаў найбольшы тэрмін, хаця ён адзіны, хто пайшоў на дамову са следствам.


Як пісаў НЧ, 5 верасня ў Мінскім абласным судзе агучылі прысуды па так званай справе аб «змове з мэтай захопу дзяржаўнай улады неканстытуцыйным шляхам».

Нагадаем, за «спробу дзяржперавароту» юрыст Юрась Зянковіч (які мае беларускае і амерыканскае грамадзянства) быў асуджаны на 11 гадоў калоніі ўзмоцненага рэжыму. Разам з ім асудзілі палітолага і літаратуразнаўцу Аляксандр Фядуту і палітыка, кіраўніка БНФ Рыгора Кастусёва — на 10 гадоў калоніі ўзмоцненага рэжыму кожны.

Вольга Галубовіч і Дзяніс Краўчук былі асуджаныя на 2,5 года калоніі агульнага рэжыму — за «актыўны ўдзел у групавых дзеяннях, якія груба парушаюць грамадскі парадак», хоць пракурор прасіў для іх па 3 гады..

 


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: