Аўтамабіль Бабарыкі выстаўляюць на аўкцыён
На аўкцыён выстаўляюць маёмасць Віктара Бабарыкі. Напрыклад, яго «Ford Fiesta» 2015 года можна набыць за 17 тысяч рублёў, паведамляе «Еўрарадыё».
Аўтамабіль Віктара Бабарыкі прадаюць праз аўкцыён / e-auction.by
У абвестцы гаворыцца, што камплектнасць і працаздольнасць аўтамабіля не правяралася.
Былы кіраўнік «Белгазпрамбанка» ў 2020-м абвясціў, што будзе балатавацца на пасаду прэзідэнта. Яго затрымалі, калі ён ехаў у ЦВК здаваць сабраныя подпісы за сваё вылучэнне. На судзе Бабарыку прызналі вінаватым у атрыманні хабару ў буйным памеры і адмыванні грошай.
Акрамя 14 гадоў турмы Бабарыку прысудзілі штраф у 145 тысяч рублёў. З яго таксама вырашылі спаганяць суму больш як у 46 мільёнаў рублёў у кошт пагашэння «прычыненай шкоды».