Бабруйск: «Выдайце мне даведку аб датэрміновым галасаванні, начальства просіць»
На ўчастку для галасавання №6 Бабруйскай-Ленінскай выбарчай акругі №78 назіральнік стаў сведкай дзіўнай размовы выбаршчыцы і старшыні УВК.
Фота з сайта belaruspartisan.by
Здарэнне адбылося 14 лістапада на адным з участкаў, які месціцца ў сярэдняй школе №18 Бабруйска.
“Толькі што на ўчастку была жанчына з “Вадаканала” і папрасіла сябраў камісіі выдаць ёй даведку аб тым, што яна прагаласавала датэрмінова. Маўляў, ім сказалі, што даведкі такія выдаюцца. Старшыня ўчастковай камісіі адказала, каб яе начальнік ёй патэліў, і яна пацвердзіць, што сапраўды жанчына прагаласавала. А муж нават фота зрабіў, як яна кідае бюлютэнь”, — паведамляе назіральнік.