«Бадзёры, пазітыўны, вясёлы». Адвакат сустрэлася з Раманам Пратасевічам

Адвакат Рамана Пратасевіча Інэса Аленская праз чатыры дні пасля затрымання сустрэлася са сваім падабаронным.

Як заявіла БелаПАН абаронца, у Пратасевіча «усё добра, ён бадзёры, пазітыўны і вясёлы, хвалявацца няма чаго».

З-за падпіскі аб невыдаванні адвакат, па яе словах, не можа сказаць, дзе менавіта знаходзіцца Пратасевіч і ў якім статусе.

«Аб'ём звестак, якія я не магу выдаваць, мне не даведзены, таму больш нічога не магу паведамляць», — сказала Аленская.

Паводле TUT.BY.