Белавус, Матолька і Пальчыс адказалі, ці будуць балатавацца на парламенцкіх выбарах

Кіраўнік Беларусі Аляксандр Лукашэнка прызначыў выбары ў Палату прадстаўнікоў на 17 лістапада.

Часу да застаецца крыху болей за тры месяцы. «НН» спыталася ў арганізатараў Дзён Волі — 2018 і 2019 Паўла Белавуса, Эдуарда Пальчыса і Антона Матольку, ці плануюць яны ўдзельнічаць у якасці кандыдатаў на гэтых выбарах.
Павел Белавус, уласнік крамы symbal.by

«Не, такіх планаў у мяне не было. Пры цяперашняй сістэме не маю шанцаў перамагчы».
Эдуард Пальчыс, блогер, аўтар сайта 1863x.com

«Не збіраюся. На сённяшні момант Палата прадстаўнікоў ні на што не ўплывае, сумленных выбараў няма, а для таго, каб прайсці туды, трэба камусьці вельмі падабацца ў Драздах ці Адміністрацыі прэзідэнта».
Антон Матолька, блогер

«Не. Не бачу сябе ў існуючай сістэме. Маё меркаванне, што па-за сістэмай цяпер я магу рабіць нашмат больш. Мая задача — не ўлада ці імітацыя палітыкі, а спрабаваць мяняць тое, што можна мяняць тут і цяпер».