Блогер Шэры Кот піша, што застаўся без падтрымкі

Пра гэта паведамляе ў сваім фэйсбуку праваабаронца Паліна Сцепаненка.

Палітзняволены Зміцер Казлоў, больш вядомы як блогер Шэры Кот, прысуджаны да пяці гадоў калоніі ўзмоцненага рэжыму за нібыта «арганізацыю масавых беспарадкаў» (ч.2 арт. 293 КК РБ), даслаў з няволі ліст, у якім піша, што застаўся зусім без падтрымкі:
«...У мяне няма блізкіх сваякоў, то цяпер ніхто не можа аказаць мне ніякай дапамогі, ні перадач, ні грашовых пераводаў, ні званкоў, ні спатканняў у мяне не можа быць, і я цалкам застаюся зараз без падтрымкі».
Напісаць палітзняволенаму блогеру можна на адрас: 213800, г. Бабруйск, ВК-2 (вул. Сікорскага, 1), карантын. Казлову Дзмітрыю Алегавічу.