Bloomberg падтрымаў зялёную энергетыку
Вядучыя філантропы вылучаюць паўмільярда на пераход да аднаўляльных крыніц энергіі.
Дабрачынныя
абавязацельствы накіраваны на падтрымку экалагічна чыстага будучага энергетыкі
для людзей і краін, што больш за ўсё падвяргаюцца ўздзеянню кліматычных змен.
Група вядучых дабрачынцаў у галіне клімату абвясціла аб інвеставанні 500 млн дал. ЗША на працягу наступных трох гадоў для паскарэння справядлівага і раўнапраўнага пераходу да альтэрнатыўных крыніц энергіі ў краінах з нізкім і сярэднім узроўнем даходу пры адначасовым стымуляванні ўстойлівага развіцця і стварэнні новых эканамічных магчымасцей.
Гэтая падтрымка будзе спрыяць намаганням урадаў, а таксама інстытутаў грамадзянскай супольнасці і іншых арганізацый, якія спрыяюць планам пераходу да альтэрнатыўных крыніц энергіі ў Паўднёвым паўшар'і. Гэта партнёрства будзе грунтавацца на існуючых і будучых намаганнях розных дабрачынцаў.
«Гэтая мабілізацыя аб'яднаных фондаў для падтрымкі дзеянняў па барацьбе са змяненнем клімату шмат у чым дапамагае запоўніць прабел у фінансаванні дабрачыннай дзейнасці ў сувязі са змяненнем клімату на Поўдні, — заявіў Салем Факір, генеральны дырэктар Афрыканскага кліматычнага фонду, створанага афрыканскімі арганізацыямі стратэгічнага спонсара і аналітычнага цэнтра, які займаецца пытаннямі ўзаемасувязі паміж змяненнем клімату і развіццём. — Гэта ўмацуе лідарства краін Поўдня і лакалізацыю рашэнняў, асабліва ў Афрыцы, дзе дэфіцыт фінансавання больш, чым дзе-небудзь яшчэ».
Гэта партнёрства будзе падтрымліваць працу, якая ўключае ў сябе аказанне тэхнічнай дапамогі і стварэнне патэнцыялу, неабходнага для больш шырокага выкарыстання аднаўляльных крыніц энергіі і сыходу ад выкапнёвых відаў паліва, у тым ліку ў рамках ініцыятыў з удзелам многіх донараў. Мэтай гэтых інвестыцый з'яўляецца падтрымка рэалізацыі ўжо распрацаваных некаторымі краінамі амбіцыйных планаў, а таксама заахвочванне большай колькасці краін да распрацоўкі планаў на наступнае дзесяцігоддзе.
Гэтая заява надае імпульс іншым дабрачынным намаганням па падтрымцы Паўднёвага паўшар'я ў крытычны момант, калі краіны сутыкаюцца з харчовым, энергетычным крызісам і крызісам кошту жыцця ў дадатак да бягучых наступстваў кліматычнага крызісу.
Заява зроблена ад імя наступных дабрачынных арганізацый: Ballmer Group; Bloomberg Philanthropies; Children's Investment Fund Foundation; Good Energies by Porticus; Growald Climate Fund; High Tide Foundation; Oak Foundation; Sequoia Climate Foundation; Three Cairns Group.
Для даведкі:
Bloomberg Philanthropies інвестуе сродкі ў 173 краіны па ўсім свеце, каб забяспечыць лепшае і больш працяглае жыццё для найбольшай колькасці людзей. Дзейнасць арганізацыі сканцэнтравана на пяці ключавых кірунках: мастацтва, адукацыя, навакольнае асяроддзе, інавацыі ў сферы дзяржаўнага кіравання і грамадская ахова здароўя. Bloomberg Philanthropies уключаюць яго фонд, персанальную і карпаратыўншую дабрачыннасць, а таксама кансалтынгавую арганізацыю агенцтва Bloomberg, якое прадстаўляе бясплатныя кансультацыі па ўсім свеце. У 2021 годзе Bloomberg Philanthropies перадалі на дабрачынныя мэты 1,66 млрд даляраў. Больш падрабязная інфармацыя прадстаўлена на сайце bloomberg.org
