Экс-сенатар Кастагораў заплаціў заклад у памеры 340 тыс. долараў і просіць аб памілаванні
Былы член Савета Рэспублікі Віталь Кастагораў, які, па версіі следства, ухіленнем ад выплаты падаткаў у 2014 годзе нанёс дзяржаве страты ў памеры 1,33 млрд рублёў, падаў прашэнне аб памілаванні на імя прэзідэнта. Пра гэта паведаміў 25 чэрвеня намеснік генеральнага пракурора Беларусі Аляксей Стук.
Разам з тым, паводле слоў Стука, крымінальная справа ў дачыненні да экс-сенатара, які заплаціў 340 тыс. долараў закладу, каб выйсці на свабоду з-за кратаў, усё яшчэ не закрытая, а яго прашэнне аб памілаванні пакуль не разгледжана.
Віталя Кастагорава КДБ арыштаваў ў ліпені 2014 года. Абвінавачаны кампенсаваў прычыненую шкоду ў трохразовым памеры (страты былі ацэненыя ў 340 тыс. еўра і 15 тыс. долараў). У сувязі з гэтым 30 снежня 2014 года ў дачыненні да яго змененая мера стрымання на падпіску аб нявыездзе.