Генадзь Мажэйка знаходзіцца на Акрэсціна

Паведамляецца, што 1 кастрычніка ў кватэры, дзе ён жыве, прайшоў ператрус.

Затрыманы журналіст «Камсамольскай праўды» знайшоўся на Акрэсціна. 1 кастрычніка ў кватэры, дзе ён жыве, прайшоў ператрус. У пастанове былі пазначаны два артыкулы КК: ч. 3 арт. 130 («Распальванне расавай, нацыянальнай, рэлігійнай альбо іншай сацыяльнай варожасці або розні») і арт. 369 («Абраза прадстаўніка улады»).
Генадзя падчас ператрусу дома не было, хутчэй за ўсё, ён знаходзіўся на тэрыторыі РФ. Аднак ужо ўначы з 1 на 2 кастрычніка маці журналіста патэлефанавалі і сказалі, што сын затрыманы і знаходзіцца ў ізалятары на Акрэсціна.